RRR చిత్రంతో ప్రపంచ వ్యాప్తం గా సంచలనం సృష్టించిన S.S. రాజమౌళి చివరి సినిమా విడుదలై 2.5 సంవత్సరాలు దాటాయి. అలాగే మహేష్ బాబు గుంటూర్ కారం సినిమా కూడా థియేటర్లలో విడుదలై 9 నెలలు దాటాయి . ఈ క్రమంలో అభిమానులు, సినీ ప్రియులు, సూపర్‌స్టార్ మహేష్ బాబు మరియు రాజమౌళి గారి రాబోయే “గరుడ ” మూవీకోసం ఎంతో ఆసక్తిగా ఎదురు చూస్తున్నారు.
అదే సమాచారం ప్రకారం, రాజమౌళి, విజయేంద్ర ప్రసాద్ మరియు వారి టీం స్క్రిప్ట్ పనులను పూర్తి చేసి, ప్రస్తుతం సినిమాకి సెట్ అయ్యే విదేశీ లొకేషన్లను పరిశీలిస్తున్నారు. ఈ చిత్రానికి బడ్జెట్ 900 కోట్లు నుంచి 1000 కోట్లు వరకు ఖర్చు పెట్టాలని ప్లాన్ చేస్తున్నారని తెలుస్తోంది. ఇక కాస్టింగ్, ప్రీ-ప్రొడక్షన్ పనులు కూడా వేగంగా జరుగుతున్నాయి. సంక్రాంతి తర్వాత జనవరి 2025లో షూటింగ్ మొదలుకానుంది .
అయితే, సూపర్‌స్టార్ మహేష్ బాబును మళ్ళీ తెరపై చూడాలంటే ఇంకో రెండు సంవత్సరాలు వేచి ఉండాలా అనుకునే మహేష్ అభిమానులకు ఒక శుభవార్త . ముఫాసా: ది లయన్ కింగ్ సినిమా తెలుగులో 2024 డిసెంబర్ 20న రానుంది. అందులో మహేష్ బాబు గారు ముఫాసా పాత్రకు వాయిస్ ఓవర్ ఇస్తుండడం విశేషం.
